زوجتها زوجي الفصل الاول والثاني بقلم جيجي حصريه وجديده على مدونة قصر الحكايات

 زوجتها زوجي الفصل الاول والثاني بقلم جيجي حصريه وجديده على مدونة قصر الحكايات

زوجتها زوجي الفصل الاول والثاني بقلم جيجي حصريه وجديده على مدونة قصر الحكايات

جوزته عشان يجيب الولد  بعد ما جابت ٦ بنات واللى حصل..

فضه... يا ام المطاهر رشى الملح سبع مرات ومقامه الطاهر رشى ودورى سبع مرات ااااه 

نعسه... شوفى المرة اكمنها جابت الواد بتكيد فيا.. بتكيد ضرتها اللى كانت السبب فى سعدها انى اللى جبتها وجوزتها لجوزى وقولت يتيمه وتجيب الواد بدال ما انا جايبه ست بنات لكن خلاص فضه اتمردت وعاوزة تبقى ست الدار ... لا ما ابقاش نعسه بت ستيته أن ما رجعتها حافيه تانى .... 

سمر بنت ١٦ سنه قالت... ما هو انتى اللي غلطانه بردك يا اما ما لقيتيش  واحده غير دى تجوزيها لابوى... هو فى اصلا واحده تجوز جوزها طب ده انى بعدين  لو جوزي اتجوز عليا لو قالي بس وما عملهاش اولع فيه طوالى... 

نعسه... ربنا ما يكتب عليكى تعيشى الى انا عشته 

سمر... اه ربنا ما يجوزنى من عيله ناس جاهله زى ابوى كل ما تخلفى بت كانك ما خلفتيش ناقص يقولولك يعوض عليكى 

نعسه..  لا ابوكى مش جاهل يا سمر وعيب تقولى كده... خليل كبر  وعايزله ولد يسندو وده حقو.. 

سمر.. يبقى انتى اللى غلطانه فكرتى ان الحافيه دي هتجيبلنا الواد.. وتحمد ربها هئ 

نعسه..... هى كانت كده اما جوزتها جوزى دي يوم ما جبتها كان  المطر نازل عليها مغرقها وترعش كانت كيف  الفار المبلول حافيه مفيش في رجلها شبشب وفضلت تركش كده وتقولي والنبي يا ست ناعسه شغليني حداكي اي حاجه يا ست الناس انا بكنس يا ست نعسه واطبخ واعمل كل حاجه كل اللي انت عايزاه.. الى ودلوك بتقول ام الواد وبتخمس في وشي ودينى ما ابقا نعسه ان ما رجعتها للشارع تانى 

بس جات فضه  وهى شايله عيل صغير اقل من ٣ شهور  وقالت... 

امسكى الواد حبه يا نعسه لحد ما اشوف ابوه.. شوفى حته من امه  كيف القمر بس قولى بسم الله لاتحسديه كمنو واد 

نعسه... خدى ولدك وامشى يا فضه ما عايزاش اشيلو 

فضه.... بكيفك انا كنت هتكرم عليكى واخليكى تشيليه قولت يمكن تكونى زهقتى من شيلت البنته الست اللى جيباهم يا ضرتي.. بس براحتك ما نغصبكيش يمكن كمان مقهوره وزعلانه  كمنى بقيت ست الدار وام الواد وانتى قاعده ام البنته...  هروح اشيل  الواد لابوه 

ومشيت ونعسه قالت.... داهيه تاخدك وتاخدني عشان جبتك هنه قال  ست الدار..... ده مره راكب جرار 

بس قطعت كلامها اما شافت سمر بتبص للولد بطريقه غريبه... نعسه قالت....

مالك يا بت بتبصي لاخوكى  كده ليه

سمر بضيق... ببص لمين اخويا مين اخويا ده

نعسه.... ده اخوكى حتى لو مش مني بس من ابوكى الاخ عزوه وسند وينفعك بعدين بعد عمر طويل يعني  اما انا وابوكى نتكله على الله 

سمر ضحكه بوجع وقالت... هو انتى متخيله ان الواد ده هيبقى اخونا وهيحبنا اخ ياما والله انتى غلبانه ياما الواحد بيحب اخوه علشان بيطلع يلاقي امه وابوه بيحاده عليه ويقولولو اخوك ويوصوهم على بعض بس ده اما يكبر هيلاقي امه لا طيقانه ولا طايقه سيرتنا واحنا ولا طايقنها ولا طايقين اللي منها يعني مستحيل يبقى اخوي كيف ما انت بتقولي وبعدين ما تنسيش ان ده ولد فضه وقال على راي المثل ان ما نفع الزير ما هينفع نقاطه  

ومشيت ونعسه قالت... منك لله يا فضه جننتى العيال 

سمر دخلت اوضتها ولقت ليلى اختها ١٤ سنه سمر قالت.. 

انتى لسه بتلبسي يا بت 

ليلى... بقولك ايه الطرحه مظبوطه انا حاسه ان الشق ده مظبوط اكتر من الشق ده مش عارفه ازاي.. والمكياج حلو كدا خليتو خفيف وى كانى ما حطاش حاجه...

سمر.... جاتك وكسه ايه اللي مهبباه فى خلقتك ده حواجبك اللى ناحيه اعلى من اختها بعدين في بني ادم ياخد حواجبه وفي رمضان كمان 

ليلى.. انا بس ساويتهم يعني كده عشان لما نطلع نصلي التراويح ويا البنات ما كونش اقل منيهم انتى خدتى بالك منهم ده انا كنت هقلل منهم كمان بس قولت عشان ما تبانش

سمر.. الحواجب باينه اكتر من وشك اصلا.. وكفياكى زفت فى وشك عشان الدنيا صيام حرام عليكى..  يلا اخلصى ابوكى مستنى

ليلى.. هننزل عند فين بالظبط.. 

سمر.. تنزلى بعد الفطره ستره للكل 

ليلى.. لا هنزل عادى فى الصيام.. وعلى فكره انا سمعتك امبارح اما كنتى بتصلي القيام  سمعتك بتدعي 

سمر... بقت تلف الطرحه بتاعتها وقالت....

ايوه ما هو احنا بعد الصلاه بندعي 

ليلى... بس انتى دعيتي على مرت ابوي 

سمر... والله دى مرت ابويا عايزاني اعملها ايه اروح اخدها بالحضن ولا ادعيلها 

ليلى... ولا تاخديها بالحضن ولا تدعيلها.. بس كمان ما تدعيش عليها حاولي تصفي قلبك قولي بسم الله الرحمن الرحيم ربنا لا تجعل في قلوبنا غلا للذين امنوا.. اي مؤمن كده ما تغليش في قلبك ليه...  مش ده كلامك برضو وبتقولى ان رمضان ده شهر تسامح 

سمر... سامح نفسه داعي عليها ليوم الدين وبعدين انا لسه هدعى عليها ال 30 ليله.... هفضل ادعي على فضه ال 30 يوم صبح وليل هي وولدها ما تفرح بيه ليله واحده البعيده بحق  حرقه قلب امي يا رب خد من قلبي وصر

ليلى...  كفياكى عاد ويلا عشان ننزل 

وراحوا خبطوا على اوضه ابوهم وبقو يقولو...

يلا يا بوي عشان نجيب هدوم العيد انت نسيت ولا ايه 

 فتحتلهم فضه وكانت لابسه لبس للخروج وقالت... 

فى ايه بتخبطو علينا ليه انتو الاتنين خير  

ليلى.. بنخبط على ابويا احنا مش عليكى .. فين ابويا يا فضه

فضه... بيلبس 

دخلت سمر وليلى و لقو خليل بيضبط نفسو قدام المرايا قالو...

 اوهو ايه الجمال ده كله يا ابوي رايح تتجوز تالت ولا ايه 

فضه.. ويتجوز التالته  ليه شيالت بنته انا كيف امك... ما خلاص جبنا الواد مش كل الحريم اللي بيتجوزوا عليها انا كفيتو 

ليلى..  قصدك سدتي نفسو يلا يا ابوى 

خليل.. ما هو مش هنروح معلش يا بنات انا افتكرت موضوع مهم.. ولازم اعمله دلوك

سمر بحزن... موضوع اهم منينا  انت واعدنا بقالك اسبوعين ان احنا هنروح النهارده نجيب هدوم العيد احنا وانت وامى

خليل... معلش يا بتي العيد لسه فاضله ايام كتيره هو رمضان توو بدا.. والمشوار مهم ما قدرش اأجلو 

ليلى بضيق... ماشي يا ابوي نقلع تاني يعني 

خليل... معلش يا بتي 

سمر وليلى رجعوا على الاوضه بضيق وبعد شويه سمعو  صوت عربيه ابوهم بصو من البلكونه وشافوا خليل نازل هو وفضه والولد.. 

سمر... هو ده المشوار نزل هو فضه 

ليلى...  يمكن الواد عيان ورايحين دكتور ولا حاجه انا كنت سامعاها في الصبح بتقول الواد على طول بيسخن وكل ما تديلو الدوا تنزا ويومين وترفع تانى يمكن رفعت دلوك  

سمر... لا والله هي هتجيب الهدوم قبلنا ونقت يومنا قاصده عشان تكيدنا.. 

 ليلى.... خلاص بقى ما تبصيش لحاجات تافه زى دى نروح بعدين خليها تغور 

سمر... لاه هى قاصده بس هى مرت ابوى عادى تكيدنا.. بس ابوى اللى غايظنى هو مش اول مره يعملها من ساعه ما جاب الولد ده طنشنا خالص ولا كانه احنا بناته.. تعالى نشوف امك

ونزلو مع نعسه وعلى الفطار المغرب اذن اخدو كل واحده تمره وصلو ونعسه قالت.. 

يلا افطرو انتو يا بنات ابوكم اما ياجى يبقى ياكل 

سمره... لاه هنستنا ابويا ما هناكلش من غيرو دلوك ياجى ده ماشى من قبل العصر.. 

 دخلو خليل وفضه من بره وشايلين اكياس كتيره 

سمر بغضب.... خير يا ابوي هو ده المشوار الضروري اللي كان وراك 

خليل... معلش يا بت يا سموره المشوار ضروري وجبنا كام حاجه للولد واحنا وراجعين بالمره عشان لما بيطلع بيتعب 

فضه... تعالو شوفو الحاجات اللي جابها لولدي ولى العهد وريثو شوفوا تعالو 

وبقت تطلع طلع هدوم كتيره قوي للولد.. بس طلعت دهب وحاجات كتير ليها وحطتو قدام نعسه وقالت.. 

 شفتى يا نعسه جوزي حبيبي جابلى ايه دلعنى اه ما اني ام الواد لا وبصى دى يا نعسه كمان

وحطت قدامها ورقه ونعسه بصتلها بصدمه وقالت.. 

انت كتبتلها العزبه البحريه يا خليل.. 

خليل...  مش ليها يا نعسه دى لولدى  

نعسه بغضب... يعني ايه العزبه البحريه ليه.. ليه ياخدها لحاله.. 

خليل... في ايه يا نعسه.. ما هو ولدي وكده كده هياخدها بعد عمر طويل وهيورثها 

نعسه..  لا يا خليل كانو الست بنات هياخدوا وياه انت كده خصيتو بيها وطلعتهم من المولد بلا حمص كتبت كل العزبه لولدك بس 

فضه.. جرى ايه يا نعسه من امتى الحريم بيدوها ورث بتك بكره هتتجوز راجل لما تقوله رايح عند ابوي يقولها ما تروحيش.. ولا هتشيل اسمه ولا هتشيل وتدلي فيه اما يكبر.. اللي هيشيل اسمو وهيبقى معاه طوالى ولدى حبيبي عايزه البنت تنزل العزبه تشوف العمال 

نعسه... اه يعنى انتى مش ناويه تدي البنات ورث.. الورث اللي ربنا شرعو انتى هتحرميه... عاجبك الكلام ده يا خليل بكره ترجع العزبه دي باسمك تانى

فضه... لا يا حبيبتي ما كنش ينعز ولا باع الوز.. الارض عرض ومحدش غريب هياخد ارضنا لمجرد انو يتجوز بتك واللي شايل اسمه قاعد.. وخلاص الواد اصلا صغير وانى وصيه عليه وما حدش يقدر يرجع الارض دي تاني غير بشورتى.. وانا شورتى هلبسو فوق عشان الجو حر.. هيهيهى 

واخدت ابنها وطلعت فوق.. خليل قال بحزن 

 حقك عليا يا نعسه هي قالتلي انه انه  هو الولد كده كده هياخدها و

نعسه..  وانت بدل ما تقولها بناتي روحت كتبتلها يا خليل بدل ما تكتبلهم حاجه يسندو روحهم بيها بعدين  هو ده الولد اللي انت عايزه يسند البنات بعد ما نموت مش احنا اتفقنا انك هتتجوز علشان حد يوقف معاهم بعد ما احنا نموت.. واللى وافقت عشانو بالاكتر انت اما اخوك قالك بتتخانق ليه انت ابو البنات وانا بكره كده كده هورثك جوزتك عشان تسكت الناس.. وانت روحت كتبتلهم كل حاجه وكرهت البنات في بعض هتكره  الاخوات في بعض يا خليل مش هيردو السلام على بعض بعدين....

خليل...  اسمعى يا نعسه انا قولت هو الواد وهو اللى هياخدها بعدين 

نعسه.. ما كانش هياخدهل لا  انا  يا خليل كانت هتتقسم عليهم هتتقسم بشرع ربنا وكل واحد ياخد نصيبو انت كتبتهالو لحالو

خليل...  خلاص عاد ما تحبكيهاش 

ومشى وسمر راحت الاوضه وقعدت وحطيت ايديها على دماغها وبقت تفكر فلاش باك شافت فضه بتفضى اوضت ليلى راحت عندها وقالت...

 انتى بتعملي ايه بتفضي اوضه اختى ليه 

فضه.. عشان انتو متربعين كل واحده فى اوضه وسايبين ولدى. ليلى تنام معاكى ودى هفضيها لولدى 

سمر.... ولدك لسه عيل يا فضه هتنوميه لحالو 

فضه.. اه.. هنومو لحالو فيها وفى ليل ابقى اروحلو انا ايوه هو الواد ولازمن نحفظ حقو...

 وحطيت الولد فى الاوضه الكبيره  سمر فاقت من شرودها وابتسمت ابتسامه مريبه وراحت اوضة الولد وكان نايم فيها لوحده لان فضه بتسيبه نايم فيها اول الليل لوحده وبعدين بتروحله في نص الليل تنام معاه لحد الصبح  سمر وقفت قصاد السرير وبصت للولد بشر واخدت المخده من على السرير وحطيتها على الولد وبقت تكتم نفسه بيها...

يتبع 

انضموا معنا علي تليجرام من هنا

تابعووووني على صفحتنا على الفيسبوك من هنا

لأروع الروايات تابعووووني أيضاً من هنا