رواية عشق مخفي الفصل السابع بقلم الكاتبه فرح أوغلو حصريه وجديده على مدونة قصر الحكايات
رواية عشق مخفي الفصل السابع بقلم الكاتبه فرح أوغلو حصريه وجديده على مدونة قصر الحكايات
بعنوان_حياتي_ملكك
(شاء القدر أن يخلق الماضي من جديد، ويبعثر الذكريات والحقائق المخفية سابقاً ،لتخلق ذكرى من جديد وب حقيقة كاملة بدون مؤامرات وبدون خداع )
•
بيكونو قاعدين وعم يحكو عن ذكرياتهم
بس في حدا فكرو مشغول وعقلو مو معهم
كانو عم يحكو كتير بس هيا عم تفكر .
رويدا: شكلو القدر لعب لعبتو معي ،
ورح تنكشف الحقيقة اللي صرلها سنين مخباية
ليش ياربي بعد هالسنين هي كلها تظهر الحق
خايفة من ردات الفعل
خايفة اخسرها وهيا اللي بقيت ألي من اهلي .
بتنتبه ميادة انو امها مو على بعضها .
ميادة: شبك امي فيكي شيئ .
رويدا بتكون شاردة ومو معهم بتدارك الوضع سلام وبتقلها شكلها مو مسدقة أنو نحنا هون وقبالها وبتنكشها من كتفها وبتقلها مو اختي ..
.
رويدا: اي اختي .
ميادة: انا رايحة اجيب غدا وراجعة لا توخذونا امبارحة نقلنا عهاد البيت ومافيه شيئ .
بيوقف جواد وبيقلها وانا رايح معك ..
.
سلام بتنكش جيانا وبتقلها وانتي كمان روحي معن تفتلو شوي بالبلد .
.
ميادة حاسسها قلبها في شيئ غلط بس ما اهتمت بالموضوع وطلعت وهيا واولاد خالتها ..
.مدونة قصر الحكايات للروايات الكامله من هنا
بيكونو ماشيين بس في عيون عم تراقبهن
كان قاعد بسيارتو من بعيد وعم يطلع فيهن ..
وعم يقول بسره ياترى كيفك ياعمررري
ع غيابي
اكيد هلئ كرهتيني
معك حق مافيني لومك
انا تخليت عنك
بيشغل سيارتو وبيمشي وهو مقهور
بتتصل فيه ليا كتير بس مابيرد عليها
كان كرهان حتى يسمع صوتها
كرها وكره قربها ألو
هيا فرضت حالها عليه فرض
تيم مابقا تعرفي تحلي عني
بيرد عليها ببرود اعصاب .
ليا: ليش ألك يومين ماعم ترد على اتصالاتي مو كانو نحنا مخطوبين .
تيم: انتي قلتي كانو مخطوبين
بس انا مو معترف بهالخطبة كلها .
ليا بتنقهر منو وبتقلو: عكل حال اذا مابتغير طريقة معاملتك معي بوعدك تشوف وجهة التاني .
تيم لحتى يغيظها اكتر: ليش كم وجه عندك انتي
تعي لحتى عدلك
وجه البراءة لما استغليتيني
وجه لما عملتي حالك اللي خايفة ع ميادة كرمال الصور وبعدها صرتي تهدديني انك تفضحيا فيهن .
ولا وجه الكره اللي قلبك كلو كره وحقد وغيرة منها
شو بدي عدلك ما شاء الله بمية وجه .
ليا بتعصب منو وبتقلو
حتى ولو صرت بألف وجه رح تتزوجني وغصب عنك
يا أما حبيبة قلبك رح تتصدر الصحف والمجالات بالفضيحة الكبيرة .
تيم : انتي مو بشر
انتي شيطان .
ليا بضحكة مستفزة: له يا تيمو انا ملاك بس مع اللي بحبن .
تيم: انتي وحدة متخلفة جاهلة ورح تلاقي رد على افعالك
وقتها مارح يفيدك حدا .
ليا: مو بحاجة حدا انا عم تفهم
هلق هيك تيمو نسيتي ليش اتصلت
بدك تجي لعنا عالبيت حماتك عاملتلك محاشي بتعرفك بتحبن .
تيم: ما حماتي متلك وألعن كمان .
ليا: بزعل منك ها حدا بيحكي هيك عن ام خطيبتو ولاحقاً مرتو .
تيم: بنتواجه يا ليا .
ليا: رئبتك ورئبت ميادة بين ايدي
مافيك تعمل حركة عم تفهم .
تيم بعصبية: خطبتك بطلب من امي تمام
لحتى بس ماتغضب علي
ماتوقعت انك تعملي هيك وتهدديني بمين بعشقي
لك انا خطبتك غصب عني وبالتهديد
ولو فيكي ذرة كرامة كنتي لحالك بعدتي .
ليا : انا لاني بحبك عم اعمل كل هاد .
تيم: اللي بيحب بيجرح
بعمرو اللي بيحبك ما بيجرحك .
ليا: هلق شو بدك بدك فكك من سجني لا ترجع لعند حبيبة القلب شو بدك تبررلها
وانت شفتها ياعيب الشؤم شو بدي قلك
بموقف مستبيح
وضليت واقف ومتكتف ماساعدتها حتى
مشيت بدون كلمة
تيم: لحظة لحظة وانتي شو عرفك .
ليا بتتلبك : انا بعرف كل شيئ .
تيم بيصير يفكر ويربط الأحداث ببعضها
بيسكر الخط بوجهها وبيصير يفكر
معقول ليا ألها أيد بهالموضوع
لازم اعرف اتصرف
ويا ويلك مني يا ليا اذا بعرف انك انتي ورا هالشب .
أما ميادة بتصير تعرفهم على المحلات وتتمشى هيا وياهم بالبلد .
ميادة: وهلئ شو رأيكم .
جيانا: ريحة الوطن غير .
جواد: اللي بيسمعا بيقول قضت طول عمرها بالبلد
مدونة قصر الحكايات للروايات الكامله من هنا
مانحنا يااختي خلقنا هنيك وعشنا هنيك .
جيانا: بس مافيك تنكر انو بيضل اسمنا سوريين .
جواد: بهي معك حق
.
ميادة: لو شو ما كان الواحد مابيلاقي احلى من بلدو
اي ياشباب كيف زيارتكم طويلو ولا قصيرة .
جواد: نحنا سبقنا ابي وهو بس يخلص شغلو هنيك رح يجي ونستقر عالاخر .
جيانا: رح افقد كتير لا رفقاتي .
ميادة: بكرا بترجعي هون بتتلاقي برفقات جديدة
وبتكوني صدقات وعلاقات جديدة .
وبيكملو حكيهن بعدا جواد بيشرد .
ميادة بتنكشو وبتقلو : نيالها اللي اخدة عئلك .
جواد بيبتسم : لك اول وحدة ما بتعلق بالسنارة .
ميادة : بمين عم تقصد .
جواد: البنت اللي شفتها بالمطار
من وقتها وشاغلة عقلي وتفكيري .
ميادة: الله عليك يا روميو زمانك .
جيانا: لك صرعتني فيا وما شفتا .
جواد: هي ولو اللي طلعو فيها امهاتنا كانو شافو بعبع .
جيانا بتصير تضحك يخرب بيتك
اي ما حلوة .
أما ميادة بتصير تفكر
انو شو شبب صدمتهن بشوفة هالرجال وبنتو
أكيد في لغز ولازم اعرفو
جواد: شو قلتي ما حلوة لك انا بنظري احلى بنت بالعالم بس لو عرفت اسمها
كنت بحثت عنها ولقيتها .
جيانا : سمعت الرجال اللي معها بيقلها مييانندا ميساندا ميريندا بس هيك شيئ بظن .
جواد: حتى اسمها حذاب وحلو
يسعد الله .
ميادة بتصير تفكر شو سبب انو امي تطلعت هيك بهالبنت وبهالرجال بالذات
وليش انا حسيت كأني بعرفهم
اكيد في حلقة.ناقصة .ولازم اعرفا .
بيكملو وبيشترو غدا وبيرجعو عالبيت ،"___________________________"
سلام: مو متغير بنوب بس فرق العمر واضح عليه .
رويدا بينبض قلبها وبيرجع بيدق من جديد
.
سلام: شكلو هو كمان عرفنا
بس انتي ليش مشيتي بدون ما تحكي شيئ
وهيا الفرصة اجت لعندك برجليها .
رويدا: ماعاد يهمني
شكلو تزوج وصار عندو بنت .
سلام: شو عرفك .
رويدا: كانت البنت عم تصرخلو بابا من بعيد .
سلام: طيب معقول هيك بعد هالسنين ما واجهتي .
رويدا: شو بدك قلو ليش تركتنا انا وبنتك بليلة مافيها ضو قمر ورحت
شو بدك عاتبو ولا قلو
هو اللي اختار البعد .
سلام: بس عالقليلة كان احكي معو .
رويدا: ما بيستاهل اطلع فيه
حتى الدمعة اللي نزلت من عيني ندمت عليها .
سلام: بس شفت في بعيونو حزن وشفقة
.
رويدا: يروح يشفق على مرتو .
سلام: ياترى ليش تركك
انا من زمان بسأل حالي هالسؤال شو السبب اللي بيخليه يتخلى عنك
وهو اللي ترك الدنيا كلها كرمالك .
رويدا: مابعرف
عنجد مابعرف ولا بدي اعرف دخلك شو رح يفيد
بنتي ربيت بدون اب
وربيت ببيت جدها متسلط
خوالها ونسوانن عاملونا متل خدام عندهن
مافي حدا يدافع عنا ولا يحامي النا .
سلام بحزن : ذكرتيني بابي يالله شو مشتاقة
شوفو وشوف امي .
رويدا: امي دابت عغيابك .
سلام: بدي تساعديني لحتى شوفها .
رويدا: بس الاولاد يطلعو من البيت مرة تانية بنلاقي الفرصة المناسبة وبنروح .
سلام : وهو هيك .
بيسكتو لما بيوصلو ولادهم بيقعدو بيتغدو
وطول الوقت رويدا شاردة واضح هالشيئ عليها .
ميادة: امي شبك .
رويدا بتتلبك : شبني .
ميادة: انا عم أسالك من وقت رجعنا من المطار وانتي مو ع بعضك .
رويدا: كنت ناطرة هاللحظة اللي شوف فيها اختي سنين
مدونة قصر الحكايات للروايات الكامله من هنا
ولما شفتها رجعتني عشرين سنة لا ورا .
سلام: والله انا مابعرف كيف مضو هالايام .
ميادة بقلبها في شيئ خالتي وامي عم يخبو ياترى شو هو .
بيخلصو غدا وبتضب ميادة السفرة وبتجلي الجليات وبتجي
بيندق الباب وبيكون ابو اكرم
.
ابو اكرم: ابني اكرم تحت وحابب يحكي معك .
ميادة : انا طيب ليش .
ابو اكرم: تحت بتعرفي يابنتي .
بتنزل ميادة معو وبتلاقي شب
واقف بس عاطيها ضهرو طول بعرض كتاف لابس اسود
بيفتل لعندها بيكون المسدس على خصرو
وعيونو السود المكحلة عم تقدح .
بتطلع فيه ميادة وبتتمعن بملامحو .
اكرم بنبرة جادة: انتي ميادة العبدلله .
ميادة بتهز رأسها وبدون ماتحكي ولا كلمة بس بقلبها عم تقول والله هاد هو اكرم .
اكرم: حاسس كاني بعرفك ؟
.
ميادة: وانا كمان لتكون انت اكرم اللي دافع عني يوم اللي تعرضولي مجموعة شباب زعران .من سنين .
اكرم: انتي البنت الضعيفة اللي كانت عم تبكي وتستنجد .
ميادة: شو غليظ كنت عم ابكي لانو هنن كتار .
اكرم: اي اهلين ميدو خانم شو صار معك ...
•
ميادة: وبوقتها كانت سنة التخرج الي اذا بتتذكر وانت خلصتني من الزعران وصلتني عالجامعة .
اكرم : هاليوم مابنساه بعمري هلئ المهم خلينا بالمضمون
ابي خبرني كلشي
مافي داعي تخافي أبداً انا ضابط بالشرطة ومن واجبي حئئ بالموضوع
خبرني ابي من المكان اللي اخدك.منو
رحت وعملت جولة بالمكان طلع البيت مسجل باسم شخص اسمو تيم المسعود
بتشكي انو هو ألو أيد بالموضوع .
ميادة بتتذكر كيف تيم وعدها يروحو عالبيت بنفس اليوم
وبتتذكر كلام الشب لما قلها انو تيم اللي بعتو
بس مابتقدر تحكي وبتقلو لا مابشك
لانو تيم هو بيكون خطيبي السابق
.
اكرم: طيب ليش المشفى اللي تعالجتي فيها
ما قدمت بلاغ عن حالاتك
كان بوقتها فينا نتدخل
.
ميادة: جدي ماحب يصير في اخد وعطا بالموضوع
وفضل يسكر عالسيرة
حتى انا مو حابة قدم بلاغ .
اكرم: بس انتي عم تتستري عن مجرم .
ميادة: الله بياخدلي حقي منو .
اكرم: بتعرفي آنسة ميادة انا اكتر انسان بشفق
عليه اللي بيسكت عن وجعو
اللي بيكون ضعيف الشخصية ومابيدافع عن حالو ..
.
ميادة بتتنرفز من كلامو وبتوقف بدها تمشي .
أكرم: اهم شيئ انو الحقيقة تبان . وسدقيني رح اعمل كل شيئ لحتى تبان ،
.
.
ميادة: الحقيقة انا بعرفا وبس
مابدي حدا يتدخل
.
اكرم: معناتا بتعرفي المجرم وعم تكتمي عليه .
ميادة : ولا بعمري شفتو .
اكرم : بتعرفي مين بعتو .
ميادة بتسكت
.
اكرم: وصلت لا اللي بدي ياه
فيكي تمشي
بس المرة الجاية بدي تحكي كلشي عندك او رح اعرفو بطريئتي .
بتطلع ميادة وهيا عقلها مشوش
معقول ليش انا خبيت انو تيم بيعرفو
ليش ماحكيت عنو
معقول لهلق بفكر فيه
بتنرل وبتروح بتتمشى
لتصفي ذهنا وبترجع عالبيت بيكونو امها وخالتها نايمين
بس جيانا وجواد عم يسهرو .
ميادة: شو ينهن .
جيانا: لك نامو قال شو هنن مو متل هالجيل بيضلو سهرانين .
بتضحك ميادة وبتقلهن شو رأيكم نتابع فيلم
جواد: اكشن .
ميادة: لا عن الاطباء
.
جيانا لا رومانسي .
ميادة ييي مين بدنا نرضي .
جواد: طيب انا عندي حل شو رأيكن رعب .
ميادة موافقة حطلنا شيئ فلم لحتى اعمل بوشار وارجع .
بتمرق اول ليلة حلوة وع خير و بيمرق اسبوع ميادة بعدها عم تدور ع شغل وما عم تلاقي
وجيانا وجواد بينقلو اوراقهم وبتسجلو بالجامعة
وسلام عم تنتظر اللحظة المناسبة لحتى تلتقي بأهلها
أما رويدا عايشة مع صراع داخلي
شوفة احسان شعلت النار جواتها
اما ميادة.عم تابع حالتها مع اكرم رغم انها ماحبيتو بس هو الوحيد اللي عم يساعدها
ومتل كل يوم ميادة بتنزل بتتمشى لحالها لحتى تريح بالها
بس كل يوم قبل ماتنام لازم تتبلل مخدتها دموع
بتتذكر زكرياتها مع تيم
وقلبها موجوع منو وعليه
وبنفس الوقت كلو لئم . (تعلمت منك كيف يكون الأنسان لئيمً بلى رحمة وبلى قلب، أيقنت كيف تتبدل الأدوار من عاشق لا منافق ،
كن منافقاً ف المنافقين هم العاشقين )
بتصحا ميادة علي رنة الموبايل
بتفتح عيونها وبتطلع بيكون رقم جدها ماجد
بتفتح الخط فوراً وبتحكي
ماجد : لازم تجي عالمشفي اليوم ضروري .
ميادة: له يا جدو شو نسيت انك.نفيتني
من الوجود ...
.
ماجد بيتنهد بتعب وبيقلها انتي تعي وبنتفاهم .
ميادة: واذا ما اجيت شو رح تعمل ، .
ماجد: شهادتك الطب اللي هيا معي رح بحرقا
ليكها ماسكها بايدي
شو حلو اسمك عليها ومزينها .
ميادة بخوف: مسافة الطريق وبكون بالمشفي
بتسكر وبسرعة بتغير تيابها وبتلبس لفحة زهر حوالي رئبتها
بتخبر امها انو رايحة تشوف شغل جديد
وبتطلع برات البيت .
بتتلاقى ب اكرم بيكون بدو يروح عشغلو .
اكرم: شبك ليش مستعجلة .
.مدونة قصر الحكايات للروايات الكامله من هنا
ميادة: عمو ابو اكرم وينو .
اكرم: نايم جوا خير في شيئ من الصبح .
ميادة: لازم روح عالمشفى بسرعة .
اكرم: تعي انا .بوصلك .
.
بتتردد ميادة بالاول بس بتطلع معو .
.
اكرم: هلئ بربك خفتي تطلعي معي ومن سنين ماخفتي
شو هاد .
ميادة: بوقتها انت ساعدتني .
امرم بيضحك: بالله شو وهلئ شو عم اعمل .
ميادة: لا تتمسخر لما بشوفك بتلبك كتير
بحس متل استاذي ولازم ما اغلط معو بكلمة
.
اكرم بيضحك وبيقلها انا استاذ صارم كتير وبعذب كمان
وهو عم يسوق بيقلها طيب هلئ
شو صاير معك ليش هيك متلبكة.
ميادة وهيا عم تهز برجلها : اتصل فيني جدي وخبرني روح عالمشفي
في شيئ ضروري .
اكرم: ليكون بدو يعملك شيئ .
ميادة: ما بيقدر
بس مشغول بالي شو بدو
وهو ما سدق علينا انو تركنا بيتو .
اكرم : كلو خير بتخبريني بكلشي صار .
.
ميادة: وشو صار معك انت ما عرفت مين الشب .
اكرم: مواصفاتو ما بتشبه حدا عنا الو سوابق
بس البحث مستمر .
ميادة بتتنهد بتعب .
بيشعر عليها اكرم وبيحزن عحالها .
بيوصلو عالمشفي وبتنزل ميادة وهيا خايفة .
اكرم: بتحبني انزل معك .
ميادة : بصفتك شو
اكرم: حارسك الشخصي .
بتصير ميادة تضحك وبتقلو لكن ياحارسي تفضل لاني عنجد خايفة ومالي عين ادخل عالمشفي
.
اكرم : من عيوني له ميدو مابدي تخافي
انا مو مساعدك ومنقذك متل ما بتقولي .
ميادة : لكن يالله تفضل معي .
بتنزل ميادة وبينزل اكرم بيحط النظارة الشمسية علي عيونو والمسدس علي خصرو
وبيلبس الجاكيت الاسود وبيطلع فيها شو ندخل .
ميادة بتهز براسها وبتقلو اي .
**~~~~~~~~~~~~~~~~~~~~~~~~~**
(من انت يا منقذي ، ماذا فعلت بي حتى قلبت حياتي رأس علي عقب ، هل ستبقي كما أنت تنقذني بأسوء الظروف والمواقف ، ام انك ستتغير مثلهم ،
لطفاً بقلبي الذي لم يعد يحتمل الألم كن منصفاً
بحاليك وكن معي للنهاية)
بابتسامة ناعمة بتدخل عالمشفي وحدها بالظبط ماشي اكرم .
الكل عيونهم عليها
بس هيا مو هاممها حدا وحتي ولو عم تكذب عحالها انو كرهتو كانو عيونها عم يدورو ع شخص واحد
ومو شايفة حدا قبالها ..
وكأنو عيونها عم تطلب يتحكلو بشوفتو .
من بعيد بتلمح تيم بيكون عم يحكي مع مساعدتو
قلبها بينبض من جديد
كأن شعلة نار بتشعل جواتها
كانت مشتاقة كتير تطلع بعيونو تلمس دقنو اللي بتموت فيها تضمو
مشاعر بقلبها كتير ملخبطة
ومو عرفانة تحدد شعورها .
بينكشها اكرم من معصمها وبقلها شبك ميدو .
تيم من بعيد بيشعر كان سمع اسمها بيتطلع حواليه بيشوفها
بيفرك.عيونو لحتي يسدق انو بالفعل هي ميادة
قلبو بيوجعو
وبينهقر كتير بيقرب منها وبيتجاهل كل كلام روهي ألو .
وقلبو شاعلة فيه النار ...
وعيونو عم تقدح غيرة وغضب .
تيم بحزن: نورت المشفي دكتورة ميادة .
بتلتفت ميادة عليها وبتطلع بعيونو بعتب وبتقلو منورة بوجودك
وهي للمرة التانية دكتور تيم بيفضالك القسم كلو ...
ان شاء الله تكون مبسوط ؟
.
تيم بيغص قبل مايحكي بس بيقلها كل حدا ألو مكانتو ...
مين هالشب اللي معك .
.
اكرم بيمد ايدو وبيسلم عليه
بيقلو معك الضابط اكرم من قسم الجنايات .
بيصافحو تيم وبيقلو تشرفت بمعرفتك .
بتقاطعهن ميادة وبتقلو اكرم مو بس بصفتو ضابط اكرم خطيبي .
بيطلع فيها تيم بقهر وبيسكت
بس عيونو كانو فاضحينو .
اكرم بيطلع فيها بتفاجئ من كلامها
ميادة بتاشرلو بعيونها انو يسايرها .
تيم بيكون بدو يحكي بس في شيئ بيوقفو
مابيقدر يحكي
كانت الغصة اكبر بكتير من انو تنحكي
.
**~~~~~~~~~~~~~~~~~~~~~~~~~**
(قبلت ان أكون معذبك ، وقاهرك ، وحتى سجانك ،
لكن لا تأذني بحب رجلٍ غيري ، ارحمي ضعفي وقلة حيلتي ، ارحميني واعتقيني من نار عشقك )
بيتركهن وبيروح عمكتبو وبدون مايحكي ولا كلمة .لان.بهيك موقف حتى اللسان بيعجز عن الوصف .
اكرم: لك كيف هيك بتحكي .
ميادة: بدي بس خليه يشعر بالقهر اللي عشتو يوم اللي عرفت خطب ليا .
اكرم: بس ما اتفقنا هيك
اني كون مستلم قضيتك شكل وانك توصفيني هيك شكل .بعدين بس يعرف اني بس صديق قديم وانك كذبتي عليه شو رح يكون موقفك
ليش مابتحسبي لقدام انتي ...
بس بدك تجرحي ل هالشب
ميادة بحزن: ليش مابدك كون خطيبتك
بعدين ماعاد يهمني ينجرح ينفلق...
.
اكرم: بدي تحددي منقذك ولا خطيبك .
ميادة بتغمزو لا الاولى
.
.
اكرم: انتو البنات ماحدا بيعرف كيف بتفكرو
بس عنجد ميدو واضح عليه بيحبك من قلبو ...
عطيه فرصة تانية .
.
ميادة: هو بيحبني واللي بحب بيعذب هيك
هاد معذبي وبس
وبعدين نحنا مابنفكر اصلاً امشي لا قلك امشي
اكرم: الله يستر هلئ تقولي لجدك اني الوصي عليكي .ياعين مو ناقص غير تقليلي بابا .
ميادة بتبتسم عكلامو العفوي ...
وبتمشي بتدق الباب عمكتب جدها ماجد وبعد مايسمعو الآذن بالدخول بيدخلو .
بيوئف ماجد وبيطلع فيها بدو تفسير مين هالرجال اللي معها .
اكرم بيتدارك الوضع وبيعرفو عن حالو .
ماجد: حلو كتير ورافعة قضية كمان .
اكرم: الساكت عن حقو شيطان اخرس .
ماجد: عكل حال انا اتصلت فيكي لحتي خبرك شيئ مهم .
ميادة: وانا جاية لحتي اسمع .
ماجد: انتي لازم ترجع عالمشفي .وهالمرة رح ترجعي وانتي الكل بالكل .
ميادة بفرح: والسبب
مو انت اللي نفيتني من المشفى
وما سمعتني ولا دافعت عني
وسكرت ملفي
شو اللي صار لحتي غيرت رايك
يتبع.
0 تعليقات