رواية عشق مخفي الفصل الخامس بقلم فرح أوغلو حصريه وجديده على مدونة قصر الحكايات

رواية عشق مخفي الفصل الخامس بقلم فرح أوغلو حصريه وجديده على مدونة قصر الحكايات 

رواية عشق مخفي الفصل الخامس بقلم فرح أوغلو حصريه وجديده على مدونة قصر الحكايات 

بعنوان_حبك_دمرني

ادهم بتعب: واضح هالشيئ علي مو بالله .

روهى: وكتير كمان قلي شو بتستفيد من حب انسانة بتطلع فيك نظرة رفيق او اخ 

وهيا مخطوبة وممكن باي يوم تتزوج .

ادهم بحزن : ولا شيئ بس بيكفيني وجودها بجنبي .

روهى : و لا ايمتا ما انت بتعرف شو مشاعرها باتجاهك ... ادهم: لو شو ماكان انا بعرف مشاعري باتجاها وهاد بيكفني ؟

.

روهى بحزن: الله يوفئك يارب 

بتتركو وبتمشي وهيا موجوعة (ما هذا التناقض يا رباه ، لما الذي نعشقهم لا يفكرون حتى بنا ، ويركضون خلف السراب ، أحببتك بالسر وستبقى بداخلي ، كيف لي بأخبارك بأنني متيمة بك وأنت متيم بأمرآة أخرى )

........................................................................... أما ميادة بتكمل يومها عادي بس ماعم يروح من بالها ادهم ولا كلامتو 

بيصلها اتصال من تيم بفرح بترد .

تيم: كيفك عشقي .

ميادة بابتسامة: مشتاقة

.

تيم: والمشتاق شو لازم يعمل لحتى يخف شوقو

.

ميادة: يلتقي بحبو .

تيم: معناتا بعد المشفى انا بانتظارك 

بدي اخدك عمكان حلو ..

.

.مدونة قصر الحكايات للروايات الكامله من هنا

ميادة بفرح: تمام .

تيم: بدك شيئ عمري .

ميادة: اي بدي تنتبه عحالك .

تيم: لك اموت انا بهالكلمة 

بيسكر وهو عم يبتسم 

أما ميادة بيطير عئلها من الفرحة

بيلتقو بكفتيريا بعد دوامهم بالمشفى .

تيم بكل ثقة قاعد وعم يطلع فيها ..

أما ميادة كانت غرقانة فيه وبحبو عالآخر ..

تيم بيقرب منا وبيمسك أيدها وبيقلى .. شو رأيك اليوم اخطفك ونروح عالبيت اللي بالجبل ؟

..

ميادة قلبها بيرجف فوراً من كلمتو وبتسحب أيدها منو وبتطلع فيه بأستغراب .

تيم : مارح تأثبتيلي أنك بتحبيني لحتى نتجاوز الماضي ..

ونحط النقط عالحروف ..

.

ميادة بتتلبك وبتقلو أنا بحبك وهاد الشيئ ما بيكفيك ..

.

تيم: لا ..

.

ميادة: انا بعشقك ..

.

تيم: هاد الكلام ما عاد يهمني بتحبيني أثبتيلي .

ميادة: بس انت بتعرف شو قصة البيت اللي بالجبل 

وشو ألو ماضي عريق بيناتنا ..

.

تيم: بيكفي تضلي محملتيني الذنب لوحدي 

رغم اني كل هالسنين اعتذرتلك بس انتي ما كلفتي خاطر تسمعيني ..

.

ميادة: بس انا كلشي شفتو وقتا 

مافي داعي اسمع حتى . .

تيم بعصبية: واذا صار وتكرر الماضي شو رح تعملي ..

.

بتوئف ميادة بغضب وبتقلو ولا تحلم أرجعلك بعدها .

.

تيم: ليش لانك بعدك بتكرهيني ..

.

ميادة: شبك انت ليش مصر تتغير 

هي نحنا مع بعض مابيكفيك .

تيم بيأشر بعيونو لا .

ميادة: وانا هاد اللي عندي .

تيم: والله وعم تفرضي شخصيتك علي كمان ..

لا تنسي أنا الرجال هون وكلمتي هيا المسموعة .

ميادة عم.تطلع فيه بحزن 

كيف فيه يكون هيك كل شوي بوجه وكل لحظة بعقل ..

تيم: شو قلتي .

ميادة: رح فكر .

تيم: طيب هالاسبوع كلو مارح افتحلك.سيرة بس بنهاية الاسبوع يا ميادة 

يا بتوافقي او كل حدا فينا يشوف طريقو ...

.مدونة قصر الحكايات للروايات الكامله من هنا

ميادة: انت مو تيم 

اكيد انت متغير شو اللي غيرلك.عقلك.وقلبك هيك علي .

تيم بيرجع بالذاكرة <<< فلاش باك >>>

هيا معك مأدبة بس مع غيرك يالطيف 

تفضل شوف هالصور وانت احكم 

بعد هاد الشيئ مابظن تضل نظرتك فيها هيك ..

.

تيم عم يطلع بالصور اللي قبالو 

كلهن لا ميادة مع شب وبوضع مشبوه 

وحالات مستفزة ومستبيحة .بيمزق الصور وبيطلع فيها بجدية وبيهددا 

اذا بشوف هالصور مع حدا تاني رح اخرب الدنيا عرأسك

.

ليا: شو انت مجنون انا معقو ل اني اغدر ببنت عمتي 

بس انا حبيت اني خليك تشوف الملاك اللي دائماً بتدافع عنها .واكشف اوراقها قدامك .

تيم: من وين جبتي الصور .

ليا بلبكة: ماهو اللي عم تطلع معو ميادة بيكون رفيق قديم ولما خبرني بعلاقتو معها ما سدقت 

بس لما شوفني الصور دفعتلو حقهن وجبتن فوراً لعندك ..

.

تيم: انتي مافي منك يا ليا 

ليا بنظرات خبيثة: انا بيهمني سمعة العيلة ..

.

تيم: بس اخلص من هالشغلة.راجعلك ..

وبيتركها وبيطلع وهو معصب .

ليا بابتسامة ماكرة بتقول بقلبها وانا هاد اللي بدي أوصلو 

تكرها وتجي لعندي 

وطبعاً ماحتعرف انو انا اللي مكان ميادة بس بدلت الشخصية بشوية فوتشوب 

وبتصير تضحك 

وهلئ خلينا نشوف كيف رح تنتهي هالخطبة اللي ماتمت 

ليا: فكرك.انك ربحتي سدئيني انتي مجرد لعبة .. لعبة.وبس 

وبتصير تضحك

بيصحى تيم من شرودو وبتكون ميادة راحت وتركتو 

بتكون عم.تمشي ودمعتها عخدها 

ماعم تسدق كيف هيك تبدلت معاملتو معها 

كيف انقلب هيك فجأة 

وشو اللي ذكرو بالماضي بعد ماهو اللي كان يترجاها تنساه .. أما تيم بيطلع بساعتو بيكون تأخر بيوقف وبيمشي وبيروح عبيتو .

وطول الطريق وهو ماعم ينسى كلام ليا والصور 

وكل ماكان يتذكر كيف كانت وضعية ميادة مع هاد الشب الغريب قلبو يوجعو وينقهر من جواتو 

بيوصل عبيتو وبيدخل... بيتلاقى بأمو بس بتكون متجاهلتو وماعم تحكي معو 

تيم بعصبية بقلها يعني لا ايمتا بدك تضلي هيك متجاهلتيني • 

ام تيم : لحتى تحط عقلك.برأسك ..

• .

تيم: شو عملت كل اللي عملتو خطبت البنت اللي بحبا .

• 

ام تيم: ومالقيت غيرها تحبا .

تيم: ليش من شو بتشكي جمال وآدب واخلاق وبيكفي بتحبني .

ام تيم: بدك تتزوج من هيا اللي مامعروف قرعة ابوها مين ،

شو بدك تحكي لا اولادك بالايام لك ابني ؟

.

تيم: لك امي هيا تربت بيناتنا 

وهاد بيكفي .

ام تيم: مابتدخل عبيتي وانا عايشة ...

شيئ حلو الله زوج ابني وحدة 

استغقر الله العظيم ..

.مدونة قصر الحكايات للروايات الكامله من هنا

تيم : اذا تركتها بترتاحي .

ام تيم: مارح زوجك ألا لحتى اعرف حسبها ونسبها 

ابني تيم المسعود افضل طبيب جراح مارح تكون مرتو مين ماكان عم تفهم .

تيم بغصة: طيب متل مابتريدي عطيني بس فترة .

ام تيم: متل ما طلبتها غصب عني انا رح زوجك غصب عنك ..

.

تيم بيتفاجئ .

ام تيم: اي لا تطلع فيني هيك وعاروستك.جاهزة 

تيم: انا بعرف البنت بتنغصب بس الشب هي اول مرة.بسمع فيا .

ام تيم: مو بكيفك ورح تكون اول واحد 

لكن اسمحلك تتزوج بنت رويدا لا والف لا .

تيم: هيا شو خصها بالماضي .

ام تيم: ذنبها تدفع التمن عن أمها .

تيم: ليش شو صار 

دائماً بتلمحيلي ومابتحكيلي شيئ .مح

.ام تيم: كلشي بوقتو حلو 

واكيد رح يجي يوم وتبان كل الحقائق ...

وقتها رح تشكرني اني بعدتك عنها • .

تيم: بدي اعرف ليش عماتي نكرة. بهالعيلة 

إن كانت عمتي رويدا ولا عمتي سلام اللي مابنعرف عنها شيئ .

ام تيم : لانهم هنن اختارو هيك يكون مصيرهم .

تيم: وشو ذنبي انا 

وشو ذنب ميادة 

الله مابيرضى بالظلم .

ام تيم بعصبية: بغضب عليك ليوم الدين اذا بتعصي كلمتي ..

قلتلك بتترك ميادة يعني بتتركا 

وبتحط ايدها عرأسها وبتصير تتوجع ...

.

تيم بحزن بيوئف مكسور الجناح وعم يطلع بأمو بحزن 

بس ليش .

ام تيم: بس يكون عندها نسب وقتها بتتزوجها 

وسدقني مارح مانع 

وانا بخطبلك ياها براسي ...

وبترجع بتحط ايدها عراسها بألم .

تيم عم يطلع فيها بحزن ..

.

أما امو ماكان هاممها مشاعر ابنها كل هما توقف هالخطبة انو تتم .بتطلع فيه وبتقلو شو قلت لك ابني موافق

.

تيم : على شو .

ام تيم: اني زوجك ليا بنت عمك 

وسدقني ماحتلاقي بجمالها وآدبها حتى احلى من ميادة .

تيم : هلئ ليا احلى من ميادة 

اي شو جاب لا جاب .

ام تيم: بيكفي بنت حسب ونسب 

وبيكفي بنعرفا منيح 

وانا بدي ياها .

تيم: مابعرف شو قلك يا امي 

بس انا اللي رح اتزوج 

وانا اللي بدي اختار شريكة حياتي اللي بدي قضي باقي عمري معها .

ام تيم: لا تئول شيئ انت بس عليك تنفذ 

وهلق بتروح لعند ابوك بتقلو انك بدك.تقلب عن ميادة وتخطب ليا برضاي عليك يا ابني ..

اذا بدك كون رضيانة عنك بتسمع كلمتي 

وبتنفذ اللي عم قولو 

بدي افرح فيك وشوف ولادك قبل ما الله ياخد آمانتو ... وألا يا تيم بغضب عليك وبهج من كل البلد وما بخليكم تعرفو ويني 

وانت بتعرفني لما بحكي ..

.

تيم بيتنهد بتعب وبيقلها بس رغم كل شيئ انا بحبا .

ام تيم: مع الزمن والعشرة بتحب ليا كمان ..

.

تيم بعصبية: ماعم تفهمي علي الحب مو بالغصب .

ام تيم: وانت ماعم تفهم انو ميادة مو الك 

معك اسبوع اسبوع وبس 

يا بتنهي هالمهزلة او انا رح اتصرف .

تيم: شو ممكن تعملي .

ام تيم : رح احكي واكشف كلشي مخبا مستعدة اقلب الدنيا عليهم ولا تتزوجا 

مستعدة اعمل كل شيئ كرمالك ،

.

تيم بيتنهد وبيقلها خلص الموضوع عندي .

بيتركا لا امو وبيروح عغرفتو 

بيقعد عحد التخت وبيصير يفكر 

انا كيف بدي اتخلى عنك 

رغم كل شيئ عرفتو عنك بس قلبي ماعم يطاوعني اطلع بغيرك 

مستعد اتزوجك رغم كل اغلاطك 

ورغم.كرهك.ألي

وحتى غلطتك اللي لا تغتفر مستعد سامحك عليها واعتبرها نزوة 

بس ليش الكل ضدي حتى انتي

ليش الكل اتفق انو يبعدني عنك حتى انتي 

ليششششش ..

بيفرك جبينو وبيقول

مستعد اتخلى عن حبي واتعذب ولا شوفها مكسورة 

هي روحي هي 

كيف بدي اتحمل اطلع بعيونها بعد ماينكشف الماضي 

اخخخخخ ياقلبي اخ 

بيتنهد وبيتسطح بتختو وبيصفن بالسقف 

وبيصير يتذكرها 

صح عم اقسي عليكي بس والله مو من قلبي 

كيف بدي اتخلى عنك 

كيف بدي خليكي تكرهيني وهالمرة للأبد 

لان ياعمري علاقتنا مستحيلة 

بس لازم اشبع منك هالاسبوع 

بدي ماشوف ولا دمعة من عينك 

لاني بعرف عغيابي رح تبكي كتير 

بيغص قلو ودمعتو بتخونو وبتنزل عطرف عينو .

(عاجز تماماً من التقرب منك ، ك مثل طير مكسور الجناح ،يحاول يخمد ألمه ، وبذات الوقت آلامه تفاقمت لدرجة الموت ، قلبي جريح كحال هذا الطير )

أما ميادة عم تفكر سبب تغير تيم المفاجئ 

وليش طلب يطلعو عبيت الجبل وهو بيعرف عز المعرفة شوفي ذكريات مريرة بهالبيت 

بس انا اكيد لازم لاقي حل معقول اتخلى عنو 

اكيد لا رح روح ولو شو ماصار بس هلق خليني سايرو ليخلص هالاسبوع عخير 

ولعلى يغير رأيو .

بتكون عم.تفكر بيصلها مسج بتفتحو وبيكون من تيم .

(انا عم انتظرك بالسيارة تحت البيت لا تتأخري بحبك)

.مدونة قصر الحكايات للروايات الكامله من هنا

بتفرح كتير بسرعة بتلبس جاكيت فرو اسود وبتربط شعراتها كعكة وبتطلع من الغرفة 

بيكونو ميادة وجدها وستها قاعدين بالصالة عم يتابعو برنامج تلفزيوني .

رويدا: شو لوين رايحة بهالوقت لك بنتي .

ميادة : دايق خلقي وقلت اتمشى شوي وبرجع .

بتطلع رويدا بأبوها وبيهز براسو بالايجاب 

وبيأذنلها تطلع 

رويدا: روحي بس لا تطولي 

ميادة. بقهر بتطلع بأمها وبتمشي 

وهيا ماشية.عم.تحكي مع حالها 

حتى اذا بدي اتنفس لازم اخد أذن منهم ...

والله هي مو عيشة وبتضل عم.تحكي لتوصل لعند تيم وتطلع بالسيارة • 

تيم بحب : شبها الحلوة مين مزعلها وليش معصبة ..

.

ميادة : لك جدو اذا بدي اتنفس لازم أخد أزنو 

والله مليت وتعبت من هالعيشة ..

يعني روحاتي جياتي بالمواعيد واذا ماقبل مافيني روح لانو بيقفل باب البيت 

اذا بدي اتاخر بالشغل لازم يخبرو 

شو لازم اعمل لازم يكون عندو خبر 

طيب انا كمان روح وعندي رفقة وبدي شوف حياتي 

مابيصير هيك 

دائماً بشعر حالي كأني بسجن • .

تيم عم يفكر بعقلو أذا مافيها تطلع بدون أذنهم كيف عم تتلاقى بهالشب الغريب 

اكيد في غلط 

بيزيل الفكرة من رأسو 

وبيمسك تيم ايدها وبيقلها هانت ياعمري 

بكرا بس تصيري عندي رح ننسيكي كلشي .

ميادة: خلص هلئ خلينا مروقين لوين بدك تاخدنا .

تيم: لقيت حالي مالل قلت مافي غير عيون حبيبتي بيسلوني .

ميادة.بضحكة: اي سوق لقلك سوق 

يا عاشق زمانك 

تيم: أي انا بأمر عيون الحلوين 

قليلي يا قطة .وين بدك نروح .

ميادة : بتتذكر من سنين لما كنا نهرب من الجامعة لحتى نروح عند .

تيم بأقطعها وبئلها كافيه الحب الأول ..

.

ميادة بتبتسم : ايوة بالظبط خدنا لهنيك 

كتير مشتاقة لهيك فنجان قهوة يعدلي مزاجي ..

.

تيم بمكر: يعني بس القهوة بتعدل المزاج .

ميادة: لا و شوفتك كمان 

بتغمزو .

.

تيم: ياعمررررري

بيوصلو عالكافية وبيقعدو عالطاولة اللي كانو يقعدو عليها .

ميادة بابتسامة : كلو بيضل عحالو .

تيم : ألا انتي كل مالك عم تحلي 

لك.شو عم تعملي بجمالك يا بنت .

ميادة بفرح: عم اخد منك .

تيم: لا تضحكي علي انا مو حلو 

بس انتي ياويلي مدوبتيني بجمالك .

.

ميادة بتقرب ايدها من دقنو وبتصير تمسكها وتلعب فيها وتيم عم يطلع فيها ومبسوط .

ميادة: انت كتير متغير لدرجة كل يوم عم تحلى بعيني اكتر واكتر .دقنك بعشقها اوعك تحلقها بيوم خليها هيك 

تيم : هلئ هيك بس دقني الحلوة ..

.

ميادة : لك لا كلك عبعضك .

تيم : يا عمررري

.ميدو بدي تسامحيني .

ميادة: ياعيون ميدو عشو .

تيم: على اللي صار اليوم 

مابعرف كيف اعصابي قلتت وحكيت هيك معك .

ميادة: بتعرف حتى انا حابة انهي الماضي 

وبعد ماتركتك فكرت منيح 

انو خطوة حلوة مننا نبدأ من جديد

.

تيم بقلبو ياريت فينا نلحق

• 

ميادة: وهيك بنبدأ من جديد وعلى بساط أحمدي .

تيم : وانا. موافق

يوم الجمعة الجاية بنقضي عطلتنا ببيت الجبل .

ميادة.بتخاف بس مابتبينلو هيا بتوثق فيه وعارفة مارح يهز ثقتها ..

بتهزلو برأسها بالأيجاب .

بيعقدو شوي وبعدها بيرجعو 

وهيك بيمرق الاسبوع وتيم عم يتقرب منها وميادة.طايرة من الفرح فيه 

بعد مايقضو يومهم بالمشفي سوا تيم كل ليلة يرنلها ويأخدها ويفتلو نص البلد وكل يوم بمكان جديد

كان عم يتقرب منها ويخلد هالزكريات الحلوة 

لانو متأكد انها مارح تنعاد (في كل زواية أصبحت لنا فيها ذكرى ،

تيقنت أنني لن أنساكي بعد رحيلي عنك ،

سأبقى اتذكرك في كل مكان اتوجه أليه ،

سيبقى حبك أبدياً بقلبي ، ولن أنساكي وسأعيش على طيف ذكراكي )

بتكون ليا عم تسمع الاخبار اول بأول من المشفى

وكل مرة بتنصدم لما بتسمع انو تيم عم.يتقرب من ميادة.اكتر 

ليا: شكلو ماهمو انو كانت مع غيرو 

وخطتي فشلت ..

.

ام ليا : الخطة.ممكن تفشل بس نحنا ولا ممكن نستسلم للفشل ..

.

ليا: وهلئ شو رح نعمل امي ؟

.

ام ليا: لو بيضل بعمري يوم مارح خليهن يتهنو .

ليا: طيب كيف .

ام ليا : بكرا بيوم االعطلة بتعرفي 

رح خلي ميادة هيا اللي تبعد عنو وتكرهو .

ليا: طيب كيف .

ام ليا : لا تستعجلي على رزقك 

كلو محسوب حسابو .

.

ليا بتضم امها وبتقلها بحبك.يا احلى ام بالكون ..

.

ام ليا: وانا من واجبي لاني امك مارح اسمح لحدا يزعلك وينزل دمعة من عينك 

وبالاخص انو مين بنت رويدا .

ليا: انا هلئ صرت خايفة شو رح تعملي .

ام ليا : رح خليه ينفر منها ويكرها

ورح خليا تسدق انو خانها وفرط فيها 

بس بدي شب يكون قد الثقة .

ليا : الشب عندي .

ام ليا : معناتا شغلنا ماشي تمام 

هلئ بتحكي معو وبدي شوفو 

لحتى خبرو شو يعمل .

وبلشت الخطة.القذرة تنعمل ضد ميادة 

أما تيم مقرر انو بس يعترف بكلشي لا ميادة.وحتى عن قرار أمو 

واكيد هيا رح تتركو برضاتها 

بيكفي انو تضل تحبو وماتكرهو 

بس شو مخبي القدر ألهن ماحدا بيعرف 

وشو رح يواجهو بهالايام الجاية

• مدونة قصر الحكايات للروايات الكامله من هنا

وصار اليوم الموعود اليوم اللي رح يتغير فيه كل شيئ 

وتتبدل الأقدار 

ياترى رح ينصف بحقهم هالمرة القدر 

أو رح يواجهو المصاعب 

بتكون ميادة عم تجهز حالها لحتى تطلع مع تيم 

متل ما اتفقو

ميادة.عم.تترجى امها انو توافق

.

رويدا: لوين بدكن تروحو

.

ميادة: مابعرف بس قلي اليوم.كتير مهم 

وبدو يشوفني بأحلى طلة .

رويدا: مافي بيناتكم خطبة رسمية كيف بدك تطلعي معو يا بنتي .

ميادة: بس انتي بتعرفي اني معو قولي لا جدو اني عم اتمشى واتسوئق

ومارح اتاخر 

بعدين هاد تيم ابن اخوكي اكيد مارح يفرط فيني .

رويدا: لا تروحي 

قلبي مو مطمن 

هلئ صح تيم مافي منو بس قلبي مو مرتاح 

نأزني قلبي يابنتي ..

.

ميادة: بدي روح قبل ما يصحى جدي بتبوس امها وبتقلها .وانتي بتخبري وبتغطي عغيابي 

بتزتلها بوسة بالهوا وبتمشي 

بتطلع بحالها بالمرآية لا آخر مرة وبتنزل قبل موعدها مع تيم بدقايق

بتوقف وهيا عم تتلفت حواليها بانتظار جية تيم 

بس ما بتشعر ألا سيارة رانج لون اسود ...

بتوقف قبالها وبيترجل منها شب بحيطان التلاتين بيكون لابس بدلة رسمية سودة

ومفتول العضلات 

وبيوقف قبالها وبيفتحلها باب السيارة ..

.

ميادة.عم تطلع فيه وهيا مصدومة مين هاد .

الشب: مو حضرتك الآنسة.ميادة ..؟

.

ميادة : اي انا ..

.

الشب: تفضلي يا آنسة الاستاذ تيم هو اللي بعتني اني اخدك علي البيت اللي بالجبل اللي اتفقتو تلتقو فيه ..

.

ميادة بصدمة: بس ليش انت اجيت مو هو ..؟

.

الشب: والله مابعرف بس لانو عم يحضرلك مفاجأت 

وهو بانتظارك هلئ .

ميادة بتفكر شوي وبعدها بتفكر اي مافي حدا بيعرف وين بدنا نلتقي غير تيم معناتا اكيد هو اللي باعتو 

بتطلع فيه نظرة اخيرة وبتطلع بالسيارة... أما الشب بيسكر الباب وبيمشي عالطرف التاني 

وبيحط أيدو عآدنو وبيقول تمت المهمة 

بيبتسم ابتسامة جانبية وبيركب وبيمشي .. بجية تيم 

بيشوف من بعيد انو ميادة ركبت مع شب بسيارة بيجن جنونو 

بيلحقهن بس بدون ما ينتبهو

يتبع..